劉杰

     打雀英雄傳 - 許冠傑 
     曲︰劉杰
     詞︰許冠傑／黎彼得

     六嬸　三太公
     大眾開檯喇面似蓮蓉
     又放工　打餐懵
     圍埋砌幾圈　論呀論英雄
     誰是大英雄　〔大英雄！〕

     六手　〔上！〕
     三隻東　〔碰！〕
     度到「岩」呢　三吊二五六筒　〔死啦！〕
     截正糊　〔噓〕　真陰功
     「騰騰」震呀　嬲到面呀面都紅

     白:
     上下家　搏晒懵
     依呀鬆鋼眨眉眨眼打籠通
     係咁鬆　正衰公
     丫難為「乙水」仔會浸呀浸蛟龍

     亂咁質　真勢兇
     學到足　關帝坐鎮華容
     恨滿胸　裹蒸粽
     「UP UP」貢　好似大呀大燈籠

     大相公　小相公
     遇老千　Ｄ張法亂晒大籠
     食詐糊　包出沖
     「乙水乙水」轉　好似大呀大灰熊

     白:
     執左位　起過風
     移燈換凳洗手食煙「熨」櫃桶
     轉下運　哈哈　確唔同
     丫連除喫幾鋪　我露呀露歡容

     白:
     混一色　碰七筒
     一KARN白板發財做眼槓紅中
     六八筒　叫卡窿
     丫原來咁鬼橋佢係呀係七筒

     崛尾龍　〔上！〕
     起勢攻　〔碰！〕
     大四喜丫渣晒南北西東　〔死啦！〕
     做牌　講天聰
     頻頻滿糊　我做呀做英雄
     時勢做英雄　〔大英雄！〕